Saturday, May 12, 2007

النصر أقرب من ايدينا- كلام قديم لزمن جديد


شيد قصورك ع المزارع
من كدنا وعمل إيدينا

الخمارات جنب المصانع
والسجن مطرح الجنينة

واطلق كلابك في الشوارع
واقفل زنازينك علينا

وقلّ نومنا في المضاجع
أدي احنا نمنا ما اشتهينا

واتقل علينا بالمواجع
احنا اتوجعنا واكتفينا

وعرفنا مين سبب جراحنا
وعرفنا روحنا والتقينا

عمال وفلاحين وطلبة
دقت ساعتنا وابتدينا

نسلك طريق مالهش راجع
والنصر قرب من عنينا

نسلك طريق مالهش راجع

النصر أقرب من إدينا

والنصر قرب من عنينا

النصر أقرب من إدينا

2 comments:

سكوت هنصوت said...

الله عليك يا با احمد....جامده قوي كلمات الأغنية دي..الله يرحمة الشيخ امام..و يباركلنا في الفاجومي...لو كان يعرف و هو بيغني للسادات او بيغني علية انه هيترحم على ايامة..ويقول يا ريتها كات دامت..كان غنالة حاجة كده عالماشي..عالأقل ما كانتش البنات ببتقلع هدومها في الشوارع و لا الرجالة بتتنفخ في المعتقلات...شكرا عشان فكرتنا بنجم وامام...تحياتي

abu ahmed said...

بس أنا هنا مش مجرد با فكرنا ولا بترحم على ايام

انا قصدي بالضبط ان هذه القصيدة لنا الآن

اطلق كلابك في الشوارع واقفل زنازينك علينا
لن يمنع الحقيقة
ان النصر اقرب من ايدينا الآن

ولا ايه رايك